Pathri ka ilaj wo bhi ghar baithe - 100% Natural and Safe - Healthocrat: Your ultimate fitness partner

Saturday, November 3, 2018

Pathri ka ilaj wo bhi ghar baithe - 100% Natural and Safe

Pathri ek aisi bimari hai jo aajkal har gharo me payi jati hai. Yah bimari galat khaan paan ki wajah se hoti hai. Jis vyakti ko kidney stone yani ki gurde ki pathri ki samasya hoti hai, asahaniya dard, urine me khoon, pet me soojan, bukhar aadi jaisi kathin samasyao ka samna karna padta hai. Kidney stone hone ka karan hai minerals aur salts ka crystallized form me jamaav, jo aapke mootramarg me atak jate hain. Yadi aapke gurde me pathri hai to ghabraiye nahi, pathri ka ilaj jitna asaan hai, utna hi asardaar bhi.

Pathri ka ilaj wo bhi ghar baithe - 100% Natural and Safe

Waise to bazar me pathri se chhutkara paane ke liye kayi saari davaiyan uplabdh hain, lekin unse hamare sharir par bahut se side effects padte hai aur ek bimari se bachane ke bajaye hum aur bhi kayi bimariyo ke shikaar ho jate hain. To behtar yahi hai ki gurde ki pathri se chhutkara pane ke liye aap ayurvedic tatha gharelu desi dava ka upyog karen taki isse aapke sharir par koi bhi dushprabhav na pade. Aaj hum aapko aisa pathri ka ilaj batayenge jiski madad se aapko kam samay me is rog se azaadi mil sakegi. To ab bina aapka keemti samay waste kare, chaliye sidha mudde ki baat karte hain.

Pathri ka ilaj

Wheat grass juice ya jau ka pani piyen


Is image me kuch glass me wheatgrass juice rakha dikhaya gaya hai

Jau ka pani ya wheat grass juice, dono hi pathri ki samasya se chhutkara pane ke liye atyant labhkari hain. Raat ko thodi si jau lekar saaf pani me bhigo den aur subah khali pet is pani ko piyen. Iske alawa aap gehu ke chhote paudhe ki pattiyo ko peeskar aur chhaankar bhi pee sakte hain. In dono mese aap koi sa bhi juice pi sakte hai, par yaad rahe ki ise aapko ek hafte tak har roz pina hai. Aapki pathri kuch hi samay me galne lagegi.

Nimbu ka ras har roz piyen

Agar aapko pathri ka rog hai aur pathri aapke peshab nali me atak gayi hai, to nimbu aapke liye rambaan nuskha hai. Har roz nimbu ka ras piye aur koshish karen ki aap jis nimbu ka ras piyen, wo bade beej wala nimbu ho. Isme maujood citrate pathri ke formation ko rokta hai. Iske alaw aap nimbu ke jad ko sukhakar tatha peeskar, har subah ek glass garam pani ke sath piyen. Pathri bahut ki kam samay me bahar nikal jayegi.

Tulsi ke patte hain atyant labhkari

Pathri ke kidney me atak jane par, 15-20 tulsi ke patto, senda namak aur ajwain ko pees len aur choorn bana len. Har subah is choorn ke sevan se takleef door ho jayegi.

Kharbooje ke beej ki madad se pathri se nijat payen


Is image me kharbooje ke beej dikhaye gaye hain

Jab baat pathri ka ilaj ki hoti hai, to usme kharbooje ke beej ka naam zarur aata hai. Kharbooje ka beej pathri galane me atyant labhkari hota hai. Pathri ki samasya se nijat pane ke liye 100 gram kharbooje ke beej ko 100 gram badi elaichi ke sath pees kar choorn bana le. Har roz is choorn ka sevan karen. Aapki samasya door ho jayegi.

Boiled aaloo har roz khayen

Kuch logo ki yah galat dharna hoti hai ki pathri me aaloo ka parhej karna chahiye. Kintu yah bilkul galat hai. Aaloo me magnesium ache matra me laya jata hai jo pathri ko dissolve karne me sahayak hota hai. Har roz yadi aap 2 uble aaloo khaate hain to aapki pathri aapke sharir ki bas kuch hi dino ki mehmaan hai.

Paani adhik matra me piyen

Paani peene ke faayde to aap log jante hi honge. Pathri galane me bhi paani ka bahut bada yogdan hota hai. Har roz 3-4 liter paani pine se pathri galke peshab nali ke raste nikal jati hai.

Cocunut water me palak ka juice dal kar sevan karen

200 ml nariyal ke pani me kuch palak ke patte aur thoda palak ka juice mila le. Is mixture ko thoda garam kar len. Isko roz pine se pathri ki samasya door ho jati hai. Kintu yaad rahe ki aapko ise zyada nahi ubalna.

Papite (Papaya) ke ped ki jad

Papite ke ped ki jad ko pani ke sath gadha mishran bana len. Ab roz subah ek chammach is mishran ko khayen aur khane ke paschat dher saara pani piye. Aisa 21 dino tak karen. Aisa karne se pathri waste product ke sath bahar nikal jayegi.

Sehjan (Moringa oleifera) khakar rahen swashth


Is image me sehjan (Moringa oleifera)  lakdi ke takhte par rakha dikhaya gaya hai.

Sehjan ki sabji se pathri ka ilaj bhi hota hai. Agar aap har roz is sabji ko khate hain to aapki pathri bahar nikalne lagegi. Isse soojan aur dard me bhi aaram milega.

Adrak ka ras aur hing

Pathri ki samasya se nijat pane ke liye ek chammach adrak ke ras me ek chauthai chammach bhooni hui hing mila len. Isko subah shaam khaane se aapki pathri chhote chhote tukdo me tootne lagegi aur peshab ke raste bahar aajayegi. Dosto, to ab aapne aaj kuch aise gharelu nuskho ke baren me jana jiski madad se aap hospital ka kharch bacha sakte hain aur bina side effects ke ache results paa sakte hain. Parantu yaad rahe ki yadi aapko samasya zyada ho ya in nuskho ka asar na ho, to doctor ki paramarsh lene me hichkichaiye nahin. Pathri bhi kayi prakar ki hoti hai to yah karan bhi ho sakta hai in nusko ke na kaam karne ka.


Hum umeed karte hain ki humare article 'Pathri ka ilaj wo bhi ghar baithe - 100% Natural and Safe' se aapko koi madad to zarur mili hogi.

Agar aap padhai me concentration badhane ki tips ke bare me padhna chahte hai to aage diye gaye link par click karen: Tips to improve concentration on studies.

Dhanyawaad.

Image source: Pixabay.

No comments:

Post a Comment