Kela khane ke fayde - 10 Chamatkari labh - Healthocrat: Your ultimate fitness partner

Thursday, November 1, 2018

Kela khane ke fayde - 10 Chamatkari labh

Kela ek aisa fal hai jo aapko kisi bhi mausam mein aasani se mil jata hai. Yah baaki falo ki tarah mausami fal nahi hai. Kela khane me bahut aasan hai, aur yahi kaaran hai ki log ise apne safar me bhi le jana prefer karte hain. Kayi logo ko yah galatfehmi rehti hai ki kela khane se wajan badhta hai, parantu yah soch bilkul galat hai. Kela vajan badhane aur ghatane, dono me bahut faydemand hai.
Kela khane ke fayde
Aaj hum aapko kela khane ke fayde batayenge, jiski wajah se kela aapka pasandida fal ho jayega. To bina aapka keemti samay barbaad kare, chaliye aate hain main mudde par.

Kela khane ke fayde

  • Depression se chhutkara

Is image me ek aurat depresed hokar sar ko hatho par rakh kar baithi hai
Kayi scientist ne research se yah paya hai ki kela khane se depression me rahat milti hai. Isme maujood protein aapke dimag ko relax karne me madad karta hai. Depression se pareshan vyakti ko har roz kele ka sevan karna chahiye. Iske alawa kele me achi matra me vitamin B6 paya jata hai, jo blood me glucose ko maintain karta hai.
Taatkat badhane me labhdayak
Kele me kai zaruri nutrients hote hain jo sharir ko tandrust banane me labhdayak hai. Yadi aap har ek kele ko doodh ke sath khaate hain to kuch hi din me aap poori tarah se hasht pusht ho jayenge.
  • Anemia se raahat

Anemia iron ki kami se hota hai. Iski wajah se khoon me hemoglobin ki matra kam ho jati hai. Isi ko hum aam bhasha me khoon ki kami bolte hain. Agar aap anemia se pidit hain to aap har roz kela khana shuru karen. Kela iron se bharpoor hota hai tatha iske har roz ke sevan se anemia ki takleef dheere dheere kam hone lagegi.
  • Kabz se nijat

Yadi aap kabz ya dusri pet ki samasya se pareshan rehte hain, to aapke liye ek achi khabar hai. Har roz raat ko sone se pehle kele ka paste bana kar isabgol ki bhoosi ke sath ya doodh ke sath khane se kabz se raahat milegi. Iske sath sath isko khane se gas ki samasya me bhi labh milega.
  • Khoon ko patla karne me sahayak

Is image me red blood cells ko dikhaya gaya hai
Abhi tak humne aapko jitne bhi kela khane ke fayde bataye hain, unme se sabse mahatvapoorna yah hai. Kela khane se blood circulation improve hota hai. Isme paya jane wala magnesium aapke blood cholesterol ko kam karne me faaydemand hai, jiski wajah se aapka khoon patla hota hai aur iska circulation bhi improve hota hai.
  • Pachan kriya ko behtar banane me labhdayak

Digestive system acha hone se aapka sharir kayi bimario se door rehta hai. Isme kharabi ki wajah se hi aapke chehre par pimples nikalte hain. Kharab pachan kriya hairfall ki takleef ko bhi janam deta hai. To ab aap jaan hi jaye honge ki acha pachan kriya aapke sharir ke liye kitna avashyak hai. Kele me dietary fibers hote hain aur agar aap har roz kela khate hain to aapke sharir ki pachan shakti ko improve karega.
  • Ankho ke liye labhdayak

Is image me kareeb se ek ladki ki aankh dikhayi gayi hai
Jaisa ki humne aapko bataya ki kele me kayi zaruri nutrients aur minerals hote hain, in nutrients mese ek important nutrient hai vitamin A. Kela khane se aapke sharir ko vitamin A bhi milta hai, jise aankho ki samasyaon ke liye rambaan mana gaya hai. To agar aapko rataundi, ya motiyabind jaisi koi samasya hai to kela aapke liye bahut hi zyada labhkari fal hai. Yah aankho ki raushni badhane me bhi madad karta hai.
  • Ulcer se chutkara pane me madadgar

Ulcer ek janleva bimari hai. Yah bimari pet ya intestine me hoti hai. Ulcer pet me hydrochloric acid zyada banne ke karan se hota hai. Kela khane se is acid ka secretion niyantrit rehta hai aur ulcer hone ki sambhaavnao ko kam karta hai. Iske sath sath isme aise tatva bhi hote hain jo ulcer ke kitanu ko nasht karte hain.
  • Bhookh ko kare control

Pratidin yadi aap subah 2-3 kele ka sevan karte hain to aapko dopahar tak bhookh nahi lagegi. Kele me paraypt matra me potassium aur dietary fibers hote hain, jo bhookh ko control karne me madad karte hain. Iske sath sath, kela khane se aapko instant energy milti hai. Agar aap gym jate hain to aap pre workout diet me kele ka sevan kar sakte hain. Isse aapko workout karne ke liye turant energy milegi.
  • Dimag ko tej karne me labhkari

Is image me human brain ka ek diagram dikhaya gaya hai jisme dimag ke ek hisse ko creativity, tatha dusre hisse ko calculations ke liye dikhaya gaya hai.
Kele me vitamin B6 paya jata hai, jo blood ko dimag tak pahuchane me madad karta hai jiski wajah se brain ki functioning tej hoti hai. Isse aapka dimag tej hota hai aur concentration ability aur learning ability bhi badhti hai. Yadi aap dimag tej karne ke tarike jaanna chahte hain, to diye gaye link par click karen: Dimag tej karne ke tarike.
Dosto, humne aaj aapko kela khane ke anek fayde bataye hain, jo aapki kayi sari swasth sambhandit samasyao se ladne me madad karega. Parantu yaad rahe ki aap kele ka sevan limit me karen, kyunki limit se zyada har cheez nuksandayak hoti hai.
Hum umeed karte hain ki humare article 'Kela khane ke fayde' se aapko koi madad zaroor mili hogi.
Dhanyawaad.
Image source: Pixabay
 

No comments:

Post a Comment