Green tea ke fayde aur banane ki vidhi - 8 anmol sharirik labh - Healthocrat: Your ultimate fitness partner

Thursday, November 15, 2018

Green tea ke fayde aur banane ki vidhi - 8 anmol sharirik labh

Namaskar dosto. Kya aap green tea ke fayde janna chahte hain? Agar haan, to yah article aapke liye hi hai. Is article ko dhyaanpoorvak padhen. 

Green tea ke fayde

Green tea ko duniya bhar ke kayi logo ne apnaya hai. Yah swadisht hone ke sath sath sharir ke liye bhi faydemand hoti hai. Ise Camellia sinensis naamak paudhe se taiyar kiya jata hai. Jab ise banaya jata hai, tab isme oxidation minimum hota hai, isliye isme adhik matra me polyphenol aur antioxidants hote hain. Aisa maana jata hai ki green tea ki utpatti sabse pehle China aur India me hui aur fir yah chai duniya bhar me charchit ho gayi. Isko peene se aapka sharir swasth rehta hai. Chaliye ab green tea ke fayde ke baare me vistar me padhte hain.

Green tea ke fayde

Diabetes se chhutkara dilane me labhkari

Green tea me polyphenols aur polysaccharides hote hain jo blood sugar level ko santulit karne me madad karte hain. Ye insulin ke level ko badhati hai, blood sugar level ko control karti hai, aur type 1 diabetes ke patients me glucose ko absorb karti hai. Green tea diabetes patients ke liye sabse achi cheezo mese ek hai. Isliye, unhe ise apni diet me zarur shamil karna chahiye.

Haddiyon ko banaye mazboot

Green tea me achi matra me flouride paya jata hai jo haddiyon ko mazboot banane me madad karta hai. Iske niyamit sevan se haddiyon me fracture hone ki sambhavnaye bhi ghat jati hain. Iske alawa yah haddiyon me maujood bone-building cells ki functioning ko bhi badhata hai. Yadi aap apni haddiyon ko mazboot banana chahte hain, to green tea ka sevan roz karen.

Vajan ghatane me sahayak


is image me ek aurat apne pet ko inch tape se napti darshayi gayi hai


Kayi shodhkartao ne yah sabit kiya hai ki green tea har roz peene se sharir me maujood fats ki matra ghatne lagti hai. Yah pet ki charbi, fats percentage aur weight ko kam kar sakti hai.  Iske alawa green tea me maujood catechins sharir me garmi paida karte hain jo adhik calories ko jaldi burn karne me madad karte hai.

Daanto ko banaye swasth

Green tea peene se daanto me keede lagne ki sambhavna kaafi kam ho jati hai. Green tea me catechins, polyphenols aur flouride kaafi matra me paaye jate hain jo saanso ki badboo aur daanto me keede lagne jaisi vibhinn samasyon se bachate hain.

Baalon ke nuksan ko roke

Baalon ki samasyao ko kam karne ke liye green tea peena ek acha upay hai. Isme maujood powerful antoxidants baalon ki samasyao ko kam karte hain aur unhe majboot banate hain. Shodhkartao ne yah paya hai ki green tea me ECGC naamak antioxidant hota hai jo baalon ke vikas ko badhaava deta hai.

Blood pressure ko santulit kare

Blood pressure ki samasya hona to maano aajkal aam baat ho gayi hai. Lekin kya aap jante hain ki green tea peene se blood pressure ko santulit kiya ja sakta hai? Ji haan. Green tea ko har roz niyamit roop se peene se high blood pressure ko low kiya ja sakta hai. High blood pressure angiotensin-converting enzyme (ACE) ki wajah se hota hai. ACE ka utpadan kidney me hota hai. Bazar me ACE ke utpadan ko kam karne ke liye bahut si dawaiyan uplabdh hain, lekin green tea natural medicine ka kaam karti hai aur ACE ke utpadan ko kam karti hai. Isse high blood pressure thodi der me normal ho jata hai.

Green tea se sambhav hai cancer ka ilaj

Duniya bhar ke kayi shodhkartaon ka yah manna hai ki green tea me polyphenol ki matra adhik hoti hai jo cancer cells ko marne me madad karte hai. Polyphenol tumor ko bhadhne se rokta hai. Kayi adhdhyano se yah nishkarsh nikla hai ki green tea peene se prostate cancer, breast cancer, skin cancer aur lung cancer ke hone ki sambhavnaao ko kam kiya ja sakta hai.

Badhti umar ko roke

Green tea me antioxidants hote hain jo skin me maujood hanikarak cells ko maarte hain. Ye dirghaayu ke sath sath skin ki problems se rahat dete hain. Isi wajah se green tea saundarya badhane ke liye istemal kari jati hai. Kayi adhdhyano se yah bhi paya gaya hai ki humari skin ko jo suraj ki kirano se nuksaan hota hai, green tea uski bhi bharpayi karne me saksham hai. Green tea swaasth ko sudhaarne me madad karti hai jiski madad se sharir rogon se mukt hota hai aur lambe samay tak jivit rehne ki sambhavna badhti hai.

To dosto, ye the kuch green tea ke fayde. Par kya aap yah jante hain ki green tea kaise banaye? Agar nahi, to chinta karne ki koi zarurat nahin. Is article ko poora padhne ke bad aap yah jaan jayenge ki green tea kaise banaye. Bas niche diye gaye steps ko follow kare.

Green tea kaise banaye


is image me ek cup me green tea rakhi dikhai gayi hai


Green tea ko do tarike se banaya jata hai. Pehla tea bag ki madad se aur dusra, khuli pattiyon ki madad se. Aap swaad ke liye shahad ya cheeni, dono mese kisi ka bhi upyog kar sakte hain. Par agar aap weight loss karne ke liye green tea peena chahte hain, to uske liye mai aapko shahad use karne ki salaah dunga.

Khuli green tea kaise banaye:

  • Sabse pehle ek pan le aur usme ek cup paani ubaal le.
  • Jab paani ubal jaaye to gas off karde.
  • Ab is paani me aadha chammach green tea ki pattiyan daalen.
  • Pan ko 2 minute tak dhak den.
  • Ab ise cup me chhan le aur isme apne swaad anusaar cheeni ya shahad daalen.

Tea bag wali green tea kaise banaye:

  • Agar aap tea bag wali green tea ka prayog kar rahe hain to sabse pehle green tea bag ko ek cup me daalen is cup me garam paani daalen.
  • Aap isme cheeni, shahad ya elaichi powder apne swaad ke liye daal sakte hain.

Green tea banate waqt in baaton ka rakhe vishesh dhyaan

  • Chai ki pattiyon ko zyada der tak boil kiye hue paani me na rakhen kyunki aisa karne se chai bahut kadvi ho sakti hai.
  • Doodh daalne se green tea ka asar kam ho jata hai aur yah aam chai ki tarah kam karti hai. Isliye, agar aap iske faayde poori tarah paana chahte hain to green tea me doodh na daalen.
  • Yaad rakhen ki green tea me caffeine adhik matra me hota hai. Iske adhik prayog se aapko neend aane me pareshaniyan aa sakti hain. Isliye, iska zarurat se zyada sevan na karen.


To ab aap green  tea ke fayde jaan chuke hain. Is article ko apne family members aur friends ke sath share kare taki ve bhi green tea ke fayde jaan saken.


Hum umeed karte hain ki humare article 'Green tea ke fayde aur banane ki vidhi - 8 anmol sharirik labh'  se aapko koi madad to zarur mili hogi. Agar aapko yah article pasand aaya ho to comment box ka sahara lekar humen zarur batayen. 


Ye bhi padhe:
Pimples kaise hataye?
Best pre workout meal
Home remedies for acid reflux

Dhanyawaad.


Image source: Pixabay


No comments:

Post a Comment